2025-yil 29-yanvar kuni "Tarmoq – korxona – oliygoh" hamkorligi doirasida Perfect University “Umumta’lim” fakulteti “Iqtisodiyot va turizm” kafedrasi professor-o‘qituvchilari hamda “Iqtisodiyot” ta’lim yo‘nalishi talabalari “Yashnobod” innovatsiya texnoparki faoliyati bilan yaqindan tanishish maqsadida ekskursiyada ishtirok etdilar.

Tashrif davomida talabalar texnoparkning asosiy yo‘nalishlari, rezident korxonalar faoliyati, innovatsion ishlab chiqarish jarayonlari va ishlab chiqarish hamkorliklari haqida batafsil ma’lumot oldilar. Shuningdek, ular texnopark tomonidan taqdim etilayotgan imtiyozlar, biznes inkubatsiya dasturlari hamda startaplarni qo‘llab-quvvatlash imkoniyatlari bilan tanishish imkoniga ega bo‘ldilar.

Ekskursiya doirasida muhokama qilingan asosiy masalalar:

• Yashnobod innovatsiya texnoparki faoliyati va istiqbollari;

• Rezident korxonalar tomonidan ishlab chiqarilayotgan innovatsion mahsulotlar;

• Tadbirkorlik va startap loyihalarini qo‘llab-quvvatlash imkoniyatlari;

• Talabalar va yosh tadbirkorlar uchun texnoparkda mavjud bo‘lgan imkoniyatlar.

Ushbu tashrif davomida talabalar innovatsion muhit bilan yaqindan tanishish, o‘z bilimlarini amaliyotda mustahkamlash hamda texnopark rezidentlari bilan tajriba almashish imkoniga ega bo‘ldilar.

Yashnobod innovatsiya texnoparki ilm-fan va ishlab chiqarish o‘rtasidagi hamkorlikni mustahkamlash, yoshlarning ilmiy-innovatsion salohiyatini rivojlantirish hamda ularning biznes g‘oyalarini qo‘llab-quvvatlash bo‘yicha faoliyatini davom ettiradi.