KARMANA TUMANIDA YASHNOBOD TEXNOPARKI IMKONIYATLARIGA BAG‘ISHLANGAN SEMINAR O‘TKAZILDI!
KARMANA TUMANIDA YASHNOBOD TEXNOPARKI IMKONIYATLARIGA BAG‘ISHLANGAN SEMINAR O‘TKAZILDI!
📍 Karmana tumani hokimi Shohruh Boltayev boshchiligida, tuman hokimining tegishli o‘rinbosarlari, “Yashnobod” texnoparki mas’ul xodimlari, Innovatsion rivojlanish agentligining hududiy vakillari hamda tadbirkorlar ishtirokida seminar tashkil etildi.
🔽Seminarda O‘zbekiston Respublikasi Prezidentining 2017-yil 6-iyundagi PF–5068-son Farmoni hamda joriy yil 4-aprelda mazkur hujjatga kiritilgan o‘zgartirish va qo‘shimchalar mazmun-mohiyati muhokama qilindi. Xususan, “Yashnobod” texnoparki faoliyati va uning rezidentlari uchun yaratilgan imkoniyatlarni Karmana tumanida ham keng joriy etish masalalariga alohida e’tibor qaratildi.
🔼Tadbir davomida tuman hokimi hamda “Yashnobod” texnoparki mas’ul xodimlari tomonidan tadbirkorlarga texnopark rezidentlari uchun berilayotgan imtiyozlar, mavjud preferensiyalar, faoliyat yo‘nalishlari va innovatsion loyihalarni qo‘llab-quvvatlash mexanizmlari yuzasidan batafsil ma’lumotlar berildi.
✨Seminar yakunida tadbirkorlar o‘zlarini qiziqtirgan savollar bilan mutaxassislarga murojaat qilib, barcha masalalar bo‘yicha atroflicha javob oldilar.
🪄Shuningdek, tumanda faoliyat yuritayotgan bir qator innovatsion korxonalar rahbarlari kelgusida Farmonda nazarda tutilgan imkoniyatlardan samarali foydalanish, innovatsion faoliyatni yanada rivojlantirish hamda biznes loyihalarini kengaytirish maqsadida “Yashnobod” texnoparki rezidenti bo‘lish istagini bildirdilar.
☎️ Telefon: (71) 269-49-52, (94) 622-14-51.
Bizni kuzating!
✈️ Web-site |📱 Telegram |📱 Instagram |📱 YouTube |📱 LinkedIn
